洪祖師 (已結業)

趁上课前少少时间怱怱忙忙食个快饭 第一次黎依间 门口已经挂住两个灯笼写住"度小月"， 招牌菜果然系担仔面。一个set系有得拣一个饭面，一个小食同一杯饮品既，大约六十五蚊。三个人我地叫左三个set，包括两个担仔面一个肉燥饭，一个排骨酥一个鸡扒同一个花枝丸，另外仲落左两个冬瓜茶一个巨峰红茶。面系朋友既，我无影相，但卖相相当不错，上面仲有只虾，果然系招牌菜。肉燥饭好多肉燥遮哂啲饭，睇落好开心，但食落真系浸死啲饭，油到我食左一半就食唔到落去。大家记得唔好学我冲动一下子捞哂食 😂😂另外加配既小食呢，两个炸物都好正常够热又够脆，但花枝丸一上菜个下真系三个眼都突 🤤🤤🤤 只系得一粒 (有图)，唔好以为好大粒呀，真系得一粒贡丸甘大.... 同样跟餐，同另外两个实在差太远.... 最后饮品呢，我个杯就无惊无险既，朋友叫左一杯无糖冬瓜茶，另一杯少冰少甜冬瓜茶，都系张点餐纸上清楚tick哂的。点知黎左两杯珍珠奶茶...我地同佢讲啦，佢都好好肯再冲，今次黎左一杯少冰少甜冬瓜茶，同一杯正常冬瓜茶....甘我地都唔好意思再叫佢换就接受左...但杯野真系甜过黄糖水。总括而言，依间野食物算ok但唔算抵食，另外只要记得