Thirty First of May (已結業)

已经路过过呢间舖几次，每次路过都会谂用呢一个日子嚟改舖名，都几特别。于是就同朋友约埋嚟试吓啦！一入到去，抬起头就会见到好大好靓嘅月球灯🌖，如果夜晚嚟食应该都几有气氛。本身同朋友想食C7黑椒牛柳嘅，不过入座就话无哂，咁就试C8牛肉眼扒啦。本身都好期待可以有几好食呢，但当见到个卖相，已经心谂：茶餐厅扒咁嘅样嘅？再开始切嘅时候，发觉切都好难切开。食嘅时候，啲筋多到... 咬都咬到攰，同埋份量都唔多，食完之后只系有5成饱... 谂住嚟食饱嘅话唔好谂住一个main就可以食得饱。另外，嘢饮都系包埋嘅，但系就从来无职员提过我地要order。唔系朋友醒起嘅话睇嚟就会miss咗杯嘢饮啦。总括而言，午市加埋一要$96比呢啲质素嘅嘢食就真系唔会再考虑嚟，晚市嘅话就要再谂吓。