又一戟

营业中

休息中

上一次喺葵芳试咗开心果酱雪糕班戟🥞，得到好大惊喜（无打食评）。所以今次经过旺角分店，一于黎个二刷✌🏻，无谂过今次变成好失望😭。首先讲吓佢哋结构已经好唔同，葵芳分店既系面头有开心果酱，再到雪糕🍦，然后下面就系忌廉，再下层又到返爆多既开心果酱，好似甜筒咁食到底都仲有劲多开心果酱🤤，非常满足。至于旺角分店，就好似图片显示咁剩系得雪糕🍦上面有开心果酱。而佢嘅忌廉就围咗喺雪糕球嘅周围，虽然外貌上感觉会比较靓📸，但系食起上嚟非常唔方便，因为忌廉随时会跌落嚟😓。讲到底，都系想食佢嘅开心果酱，除咗有浓浓嘅开心果味，仲有开心果碎粒粒，增添左唔少口感👍🏻。但旺角店嘅出品非常之失望，应该冇下次。如果大家想食嘅话，记得去返葵芳分店💯，虽然等候时间会比较长，但系食落既满足感系冇得比😥。