新源興燒臘茶餐廳

营业中

休息中

咁啱嚟呢边做野，lunch时间唔多，行过呢间就入去。叫左个豆腐火腩饭，多汁少饭，同冻柠茶少冰。其实呢度都多选择，不过赶时间就唔谂咁多。等果阵睇下食评，当堂吓一吓，有人话等劲耐，又有人话服务劲差，最惨仲要难食。不过有啲其实都几年前，唯有希望自己冇事啦。我几中意用冻柠茶少冰睇下店员有冇留心听我讲野，因为通常啲人都会以为女仔实要少甜/少冰少甜，好彩呢度合格，杯野真系少冰，而甜度系正常嘅。到个饭嚟，都系10分钟内，正常时间。唔算太少饭，不过啲汁都够，又唔会超杰。火腩几乎件件有皮，啲肉半肥瘦得黎，瘦肉唔会干到咬唔到，以茶记嚟讲算几好，可能冇期望反而觉得仲好食挂。