皇帝雞 (已結業)

深水埗呢间炸鸡店好出名，我唔系成日过黎呢边，所以今日难得过黎一定要黎试一试。深水埗出得名既应该都有返啲保证，因为呢度唔系旺区，唔似尖沙咀铜锣湾人流多可以保持人气。炸鸡有三款口味，韩辣、酱油同甜辣。SIZE都有三种，分为大、中、小。小既只有2条年糕，中同大都有3条。无论边种SIZE，我见另外仲可以加$5多三条年糕。我点左韩辣中份炸鸡，已经好大碗。佢个碗唔系劲大，但店员会将啲炸鸡塞到好满。炸鸡细细粒，韩辣都唔会好辣。有啲好细粒既又食唔到肉你会以为得个皮，但望真啲店铺贴住话佢地卖既系无皮无骨炸鸡，所以应该系粉黎既。呢款炸鸡唔会啖啖肉，但几惹味都会食唔停，而且一路食唔会觉得好热气。个年糕就中规中矩，都烟UN既。西九龙中心呢个美食广场好多野食，咩菜式都有。其实好多间店都好吸引，下次有机会都要试下其他店。