船皇 (厚福街) (已結業)

呢餐其实旧年食，仲谂住出唔出 post 好，不过见个 menu 虽然系期间限定，但大部份食物都系恒常供应，所以都记录一下啦。呢个 Mirror 成军三周年套餐（二人餐）包括 One and All 船皇船面两碗，神队友鸡翼 12 只同埋饮品两杯。船面有四种面底可以拣，食材包括牛腩，和牛，牛肉片，猪腩片，牛肉丸，猪肉丸，猪润，鸡翼，鸡丝同炸猪皮，加埋面同汤底，刚好 12 样，唔知边样代表边个😆。本来我麻麻哋钟意食船面，因为硬系觉得啲汤底好咸，次次食完都劲口渴，不过呢度嘅船面有惊喜㖞，除咗两种肉丸较淡口外，其余食材味道唔错，汤底更加系浓而不咸，OK 㖞👌。神队友鸡翼系单骨鸡翼，炸得几香脆，点埋甜辣酱食，好惹味，食下一只食下一只，眨下眼就食哂😂。于是就散叫多个炸云吞皮，呢个纯粹系口痕用嚟摄牙罅😆。两杯饮品都有几高汁，姜糖必饮嘅姜糖茶姜味好强，巧妙地化掉茶叶中那点苦嘅甜蜜泰式奶茶茶味香浓，银色嘅器皿仲非常靓，望见都开心🤩。