BRICK LANE Deli (已結業)

lunchtime 呢度比较悠闲 唔洗搭枱肉酱意粉本身应该系稳阵嘅选择，但可惜佢嘅意粉有啲煮过龙，太烂，肉酱都一般般已而。唯独芝士嘅份量补救返酱汁嘅不足！但系整体来讲仍有待改善。～呢个茄汁海鲜意粉本来味道几香，但系酱汁方面茄汁太多太稀有啲水，海鲜质素尚算正常但系意粉仍然煮得有点过龙。手制巴马火腿pizza配上火箭菜，十分抢眼，味道亦都非常出色。充满淡淡的烟熏味，薄饼底香脆可口可以中和配个巴马火腿嘅肥膏，但可惜嘅系份量有点细令人意犹未尽。忌廉粟米汤质素都只系一般般，有d似鑵头，但见佢系跟餐所以唔怪佢。至于个绿茶蛋糕就令人有点失望，睇落去系几靓。但系食落去就会发觉佢嘅绿茶调味有啲苦劫，同淡淡嘅忌廉味道有点不配合，令人食两啖就唔想再食晒佢。