華宴食府

营业中

休息中

首先一入门口，个人认为个通道加上其他人坐喺到等，感觉比较杂乱，第二，一坐低本身觉得啲碗碟都有自己特色，但我发现大部分碗碟都有崩咗嘅情况，而且如果叫人换过套杯碟，工序好似有啲大，所以最后只系换左只匙羹，因为惊割损个嘴唇，呢点我系会比极度差评。至于啲点心，第一样想讲系佢个杏仁茶，基本上个大细系同饮茶个杯一模一样，只系杯身唔同颜色，不过一式一样嘅系个杯都系崩嘅，大家要小心饮用，我就转去饮唔崩果个位，但味道黎讲系几有质感同唔错，可能因为佢落左啲豆米落去有野咬下，之后就系佢个无花果咸水角，算几特别嘅菜式，个皮系紫芋色，有少少甜甜地，另外佢个红米肠都外软内脆，keep到香港茶楼一般水准，其他都冇乜特别，最后系佢个无骨凤爪，本身第一啖咬落唔辣，甜味较重，有啲似糖果味，之后呑落肚辣到要不停饮水，大家可以参考下。员工沟通混乱，甜品讲成虾饺，依家上定后上都乱哂笼，呢啲就见仁见智系咪大问题啰。