洪祖師 (已結業)

住左上水咁多年，真系唔觉有咩好食，成日一支公食埋D茶餐厅/快餐，食到好闷。呢间餐厅都开左一段时间，但唔想一个人入去试，今日女朋友入左黎上水，就过黎试下，环境都几好，几好坐。女朋友叫左个招牌肉燥饭，黎台湾餐馆要食肉燥WO，我就叫左个东坡肉肉燥饭。女朋友真系好高要求，我觉得个饭都唔差，佢话算系咁用珍珠米，个味都OK，但就太少汁，东坡肉太肥，同埋唔系我谂果D。我地再加左个盐酥鸡，热辣辣，好香脆，佢都好满意，真系好有台湾既感觉。加左8蚊要嘢饮，估唔到真系好大杯，但味道就仲可以更好。卖单122蚊，而家食午餐系咁上下价。