魂 (已搬遷) 新店位置

我与友人都好中意发掘香港地不同既拉面舖，今次系鹅颈桥附近发现左 魂 ，清清地都几好食，推介一下。魂 舖头细细，不过都有四款拉面，价钱都系公价，我地拣左太极同青龙。Menu有解释汤底同材料，可以拣选面嘅软硬同汤底浓淡度，我就拣左硬同中，友人拣左双中。青龙 $99菠菜汁加落豚骨汤做汤底，加上叉烧、玉子、蟹肉、鱼子酱，非常特别。呢款拉面系 魂 最特别嘅，每日六点后先有得食，每日限卖三十碗，所以要食到都唔系咁易。食落汤底真系几浓菠菜味，会见到一粒粒嘅菠菜碎系入面，岀面几难食到嘅一个味道。太极 $99墨鱼汁加上豚骨汤底，一左一右，一黑一白，是为两极。除左必有嘅叉烧玉子之外，仲有蟹膏同埋金箔。墨鱼汁本身唔系一个非常浓味嘅酱汁，虽然我叫左浓味，汤底都唔会太浓清清地，有别于岀面浓到结身既豚骨汤。面质系幼身款，挂汤一般，叫左硬都唔会太硬。有蟹膏嘅位置就会好味好多 叉烧半肥瘦都几好食，入口未都即溶但系都溶到一半。食完同店主倾左阵计，原来铜锣湾舖做到八月中，之后就会搬到太子，所有九月黎食嘅朋友就记得去太子舖啦！