十大碗粥麵專家

营业中

休息中

呢间餐厅好耐之前食过一次， 觉得佢哋嘅云吞面好好食，所以今日专登带朋友嚟一齐食，谂住试多几个唔同嘅菜式。我哋就叫咗一碗云吞面，姜丝猪什捞粗， 仲有一份炸两。首先讲吓佢哋嘅云吞面，唔会太大碗，食到佢哋云吞面之余仲会可以有肚食其他菜式，而汤底方面，我就觉得唔错，有味得来唔会太咸， 而且云吞嘅大细啱啱好，可以一啖放晒落口。至于猪什捞粗方面， 我就觉得佢哋嘅猪杂都处理得唔错， 唔会有一浸雪味， 同埋猪嘅苏味，而且会搭埋姜葱丝， 食落好夹。佢哋嘅炸两都做得唔错，无论酱汁，同埋炸两本身嘅质感，都配搭得好好！推荐大家去开太子又谂唔到食咩嘅话可以试吓佢