影片
更多
2016-12-23
2051 浏览
做冬日，中国人不嬲有句冬大过年，过冬呀dee梗系同屋企食好野，今年做冬我地屋企话试下出去食，就订左间系尖沙咀蒸气火锅。蒸气火锅、粥底打边炉、九层海鲜塔应该算系近年打边炉既演变，口味就冇咁重，但是对食物质量有要求，唔似平时港式个种，感觉都好似健康d。蒸气火锅就系一个锅下面就放汤底，用个蒸隔，上面就摆食材，慢慢蒸熟佢，感觉健康d，又唔洗点控制个火，但是就食得耐d，由7点半食到11点。。。佢就系宝勒巷，楼下有代客泊车，隔离都有个停车场（成日full）收费就50蚊两个钟，泊车黎都算方便，始终尖沙咀夜晚只有黑的冇正常的士，sorry架架都唔截得。呢到最出名就系靓海鲜同埋健康汤底，一入到黎已经畀佢个海鲜位吸引住，除左打边炉海鲜仲有师父整日本刺身，好中日融和呀:）白松露菌皇粥底汤底一开始要拣定，佢全部都系靓中药健康野汤底，但是呢个汤底坚正，系真系好大阵松露味（就系shakeshake薯条味），佢会先将汤底摆底，再由佢上面打边炉，吸晒海鲜精华，就变左个好好好好味既粥，但是由于个日炒散太多，个粥变到不伦不类，加左好多水，变左糊仔，晒左个粥...阿拉斯加长脚蟹（三食）海鲜阿拉斯加蟹系佢地招牌，因为做到三食
蒸气火锅、粥底打边炉、九层海鲜塔应该算系近年打边炉既演变，口味就冇咁重，但是对食物质量有要求，唔似平时港式个种，感觉都好似健康d。蒸气火锅就系一个锅下面就放汤底，用个蒸隔，上面就摆食材，慢慢蒸熟佢，感觉健康d，又唔洗点控制个火，但是就食得耐d，由7点半食到11点。。。
佢就系宝勒巷，楼下有代客泊车，隔离都有个停车场（成日full）收费就50蚊两个钟，泊车黎都算方便，始终尖沙咀夜晚只有黑的冇正常的士，sorry架架都唔截得。
呢到最出名就系靓海鲜同埋健康汤底，一入到黎已经畀佢个海鲜位吸引住，除左打边炉海鲜仲有师父整日本刺身，好中日融和呀:）
白松露菌皇粥底汤底一开始要拣定，佢全部都系靓中药健康野汤底，但是呢个汤底坚正，系真系好大阵松露味（就系shakeshake薯条味），佢会先将汤底摆底，再由佢上面打边炉，吸晒海鲜精华，就变左个好好好好味既粥，但是由于个日炒散太多，个粥变到不伦不类，加左好多水，变左糊仔，晒左个粥...
阿拉斯加长脚蟹（三食）海鲜阿拉斯加蟹系佢地招牌，因为做到三食，个日留左只比较大既，但是只只都好生猛，佢三食:1. 蟹盖会先蒸蛋，2. 冻食 3. 蒸完食。
三味都各有特色，自己就比较中意冻食，因为先食到个鲜味，加埋佢特制既醋，只只都帮你开晒，啖啖肉，真系好食！
支竹羊腩煲觉得羊腩煲同埋煲仔饭系冬天必食，因为食完真系由头暖到落脚指尾，羊腩煲最怕两样野 1 太咸 2 羊肉散，呢个食打边炉既，估唔到做羊腩都有板有眼，佢羊腩都好多旧，但是嫌每旧都好比较大，可以整细粒d。旧旧都煲到入晒味，同埋个汤又唔会太咸，羊肉又唔会un同唔苏，屋企人平时唔食既，都忍唔住食左旧。
花竹虾话明做冬梗系要食好d， 我都系第一次食咁大只用蒸既虾，赖尿虾就食过。佢地好细心咁只只都用竹签穿好，蒸五分钟到就食得，不过一上台都要摆多阵先，因为真系好热！同埋觉得支竹签冇咩用，因为插得好实，蚊出黎都花左好多气力。但是个虾真系唔讲得笑，蒸个时间掌握好好，太熟既话d肉就太淋，呢个就岩岩好，好有口感，好新鲜，肉质岩岩好！
虽然食物质素真系几高，但是价钱都唔便宜，但是佢除左蒸气火锅都有其他野食。但是可能个日做冬，人手完全唔够，d人唔识上菜，又将d食材就咁摆出黎，未食可以收落雪柜，仲可以倒泻野...服务真系有待改善
张贴
