麵屋一燈 (已結業)

星期六晏昼嚟到海港城，嚟到依间一直好想试嘅拉面店。因为已经系下昼三点，基本上舖头系冇乜人， 所以唔使等已经有位。呢间舖头主打沾面，但系亦都提供一般汤面，咁当然我会拣佢个沾面 试下啦。原本嗌咗最平𠮶只，但系个侍应都好有礼貌咁提醒我𠮶只系冇半熟蛋同叉烧，如果要嘅话就要嗌贵少少𠮶只。贵多20蚊就有半熟蛋同叉烧，所以我都嗌咗𠮶只。餐厅嘅装修都好日式，亦都好阔落，好有气氛好有空间感。舖面亦都好干净企理，唔会好似其他拉面店咁咁逼。大约等咗十分钟到已经上咗个拉面。面质好粗而且弹牙。汤头非常 浓郁。叉烧有两块一块系鸡一块系正常猪肉。佢嘅叉烧比较瘦唔会好肥。半熟蛋系佢嘅一个亮点，整得好好食。食咗十分钟觉得个汤冻咗，所以叫个侍应翻热。加热咗嘅汤好饮好多。 价钱嚟讲，因为餐厅系喺海港城所以叫接受到，但系亦比出面嘅其他拉面店贵。