Mama Mia! Pizzeria (已搬遷) 新店位置

由星期一忙到星期五，终于放工，攰到唔想郁，唔想煮，只想摊喺度，上网煲下剧，做个废人😁喺我躺平之前，阿妹打电话嚟话要食pizza,仲要指定嚟呢间，用咗好sharp嘅黄色做主调嘅店舖，离远都望到好易认👍小舖向街嘅方向，有一个自助点餐机，介面简单易用好方便，落单后大约15分钟就可以拎到😘喺香港样样都要快，呢个等候时间好合适呢😄牛肝菌薄饼加配黑松露酱呢个用Rose Mary、牛肝菌、蘑菇、水牛芝士、黑松露酱制作的pizza,未食已被佢香味吸引，饼底松软，觉得比连锁店更胜一筹👍蒜油大虾意粉虾肉结实，意大利粉充满蒜香橄榄油，有光泽而不油腻😋余均益辣鸡翼余均益辣椒酱出名够辣，用嚟炮制鸡翼好惹味，越食越辣，越辣越想食，下次要买2份至够🤣