花園酒家 (已結業)

态度差到一个点，话说同家人去饮下午茶，准备埋单之际，竟然仲有嘢食黎，然后我哋检查过我哋叫嘅嘢食已经到齐，所以就同姐姐讲应该系上错菜，然后佢口噏噏一轮，内容大概系「自己叫左咩都唔知嘅咩，我乜都唔知㗎，张单写系你哋就你哋㗎啦⋯⋯」咁我哋梗系唔睬佢啦，坚持话真系唔系我哋，我哋食完好耐已经准备埋单，然后姐姐攞走左大概5分钟，带咗个着住西装疑似经理嘅姐姐过嚟，夹硬将碟菜放喺我哋枱面，话张单写住系我哋就系我哋，完全劲无奈，我哋同佢解释我哋真系冇叫过，系咪人哋写错枱号等等⋯⋯佢竟然开始发恶闹我地，一路走就一路闹，完全不能理解，然后我揾另外一个经理话唔想再争拗落去，你比员工号码或者名我，我直接打去你公司投诉，然后佢竟然话冇呢样野完全系无赖