臺灣鴨舌專門店 (已結業)

话说我琴日2月13号 晚上10.30嘅时候，想食鸭舌 就谂起之前朋友介绍呢间，所以我系网上面揾到佢嘅电话 咁就打去啦。。。咁个姨姨就话佢哋收10.30嘅就问我想要咩几点嚟到，咁我就话我要成11点先嚟到㖞，佢都话OK。问我要啲咩。咁其实我未去过佢间铺头，净系知有鸭舌，但系又唔知有啲咩味㖞，咁好正常就会问佢你呢度有啲咩啊？点知个姨姨就系到笑。。其实我真系唔知有咩好笑，我好认真咁问，亦都真系去买，其实真系有啲咩好笑呢。之后我就觉得好唔开心， 所以就同佢讲话我唔要啦，就咁收咗线。半分钟后 个姨姨又打黎问做咩姐 做咩唔要姐。我就好直接咁同佢讲， 其实卖得咁开心不如唔好卖啦。我都系因为有朋友介绍话你铺头好食，所以上网揾咗个电话打去问你哋收几点，又系你哋话会等我等到11点都OK。我都系问你铺头有啲咩啊， 因为我真系未嚟过。你笑嘅时候，俾我种感觉，唔好，唔愿做我生意。老实讲， 明知你啲鸭舌唔平， 其实都系因为我自己想食， 我先肯想比咁贵价钱买，再加上有朋友食过话好食，先会令我想去买。但系你哋啲态度真系好差，差到我有钱都唔会再想去食。