影片
更多
2016-08-08
281 浏览
讲真，环境舒适，食物质素不错，之前系其他分店都食得算开心。今次第一次黎马鞍山茶木食，真系食到一肚气，比钱买难受。作为一间连锁式经营既餐厅，无论你食物水准几高，管理如何统一，但服务态度极奇差劣，等候时间过长真系令人为之却步，唔敢黎食第二次，更加唔好讲推介比朋友啦。话说当晚黎食系唔满座既，一眼望落去亦有颇多空位，咁我地如常地落单，除左主餐，亦叫左甜品，系茶木主打既砖块甜品，我地担心佢上甜品时我地仲食紧正餐，所以叫左后上。咁个侍应就比左张牌，同我地讲要上既时候就举高个牌示意。然后正餐都系落单后十分钟内送到，我地食左一阵，系差唔多食完，就举高个甜品牌叫佢上甜品，佢系收左个牌既。就系个甜品黎料喇，佢收左个牌后，过左足足15分钟都未有甜品上，眼见佢出左3个砖块，全部都系其他客人既。我地心知不妙，惊佢无叫到厨房准备，于是决定催个侍应，佢经过我地张台，我地只系讲到一句话：个甜品15分钟都未黎，说话都未讲完，佢无回答过，只系点左个头，走左入厨房问，转头就出黎同我地讲等多5分钟，FINE谂住比多次机会。系等紧既时候，第2个侍应问我地Last Order有无野需要加，我地就话野食都仲等紧仲点加，佢就好躁咁讲
今次第一次黎马鞍山茶木食，真系食到一肚气，比钱买难受。
作为一间连锁式经营既餐厅，无论你食物水准几高，管理如何统一，但服务态度极奇差劣，等候时间过长真系令人为之却步，唔敢黎食第二次，更加唔好讲推介比朋友啦。
话说当晚黎食系唔满座既，一眼望落去亦有颇多空位，咁我地如常地落单，除左主餐，亦叫左甜品，系茶木主打既砖块甜品，我地担心佢上甜品时我地仲食紧正餐，所以叫左后上。咁个侍应就比左张牌，同我地讲要上既时候就举高个牌示意。然后正餐都系落单后十分钟内送到，我地食左一阵，系差唔多食完，就举高个甜品牌叫佢上甜品，佢系收左个牌既。就系个甜品黎料喇，佢收左个牌后，过左足足15分钟都未有甜品上，眼见佢出左3个砖块，全部都系其他客人既。我地心知不妙，惊佢无叫到厨房准备，于是决定催个侍应，佢经过我地张台，我地只系讲到一句话：个甜品15分钟都未黎，说话都未讲完，佢无回答过，只系点左个头，走左入厨房问，转头就出黎同我地讲等多5分钟，FINE谂住比多次机会。
系等紧既时候，第2个侍应问我地Last Order有无野需要加，我地就话野食都仲等紧仲点加，佢就好躁咁讲：宜家系问你Last Order有无野加啊！之后就完全无问过我地争D咩未黎，无谂住帮我地跟跟，就走左去。
又近10分钟过去，个甜品都仲未黎，我地系赶时间，再催多次，个侍应又系答都唔答，然后就话等多一分钟，大佬啊，我地望到个甜品厨房，D人系忙紧收尾，洗杯洗野清野，而且成间店劲多空位，你咁耐都整唔到出黎，究竟系咪一开始就无整到？仲点信你系一分钟啊！你整到出黎我地赶时间又点食啊？SUNK COST IS SUNK。香港人时间好宝贵，过左去我唔同你计，但唔想再浪费时间，我地就起身埋单走人！
埋紧单时，你先拎个甜品出黎，唔好意思喇，你地自己食番啦。
留意番，由头到尾，系无员工讲过一句"唔好意思"or "Sorry". 既然你地咁既服务态度系合理既，我都唔需要比面你，夹硬赶时间都坐低食埋先走。
本人真系唔敢再黎食。。。今次就当买个教训，下次去番MK茶木食。
张贴