影片
更多
2016-01-24
4481 浏览
前几日约埋一大班朋友去呢间野度食饭，因为其中一位朋友收9点，见到呢度收11点，所以过黎呢度试下。 叫咗6个𩠌一个汤，其中芋头鸭算系唔错嘅一度菜，芋头味够，而且炸得啱啱好。杏汁猪肺汤都系上品，味道啱啱好而且冇内脏怪味。两面黄呢啲传统潮州野都算不过不失，味道算一般，但起码脆。叫左两个卤水系列，鹅片同鹅肝，份量算少，但味道比一般打冷都好。整体食物评价属中上，7样野中冇一样系伏，算系一间无论点样点都唔会中招嘅中菜餐厅。野食就ok 嘅，点知， 待应就除咗男部长，其他真系衰到一个极致。 由bb 櫈开始，已经知佢地懒到百佳又唔醒目架喇，讲野冇尾音又冇礼貌。估唔到一路食一路陆续有黎呀，9点10几分谂住加个𩠌，点知阿姐已经话要last order, 净系可以叫埋呢样，我心谂你地唔系收11嘅咩? 点知之后个男部长系10点嘅时候过黎提我地而家先last order, 我几想同佢讲你同事一早已经唔收order 啦!我地一路食阿姐就一路推架车黎收，又唔问㖞，未食完又照收! 头先上菜𠮶阵冇位摆又唔见你地咁很勤力? 一路食就一路烦，我知你地赶收工呀，都唔洗咁牙? 同埋你地写你地收11点架!! 之后仲出超必添，熄灯!
叫咗6个𩠌一个汤，其中芋头鸭算系唔错嘅一度菜，芋头味够，而且炸得啱啱好。杏汁猪肺汤都系上品，味道啱啱好而且冇内脏怪味。两面黄呢啲传统潮州野都算不过不失，味道算一般，但起码脆。叫左两个卤水系列，鹅片同鹅肝，份量算少，但味道比一般打冷都好。整体食物评价属中上，7样野中冇一样系伏，算系一间无论点样点都唔会中招嘅中菜餐厅。
野食就ok 嘅，点知， 待应就除咗男部长，其他真系衰到一个极致。 由bb 櫈开始，已经知佢地懒到百佳又唔醒目架喇，讲野冇尾音又冇礼貌。估唔到一路食一路陆续有黎呀，9点10几分谂住加个𩠌，点知阿姐已经话要last order, 净系可以叫埋呢样，我心谂你地唔系收11嘅咩? 点知之后个男部长系10点嘅时候过黎提我地而家先last order, 我几想同佢讲你同事一早已经唔收order 啦!
我地一路食阿姐就一路推架车黎收，又唔问㖞，未食完又照收! 头先上菜𠮶阵冇位摆又唔见你地咁很勤力? 一路食就一路烦，我知你地赶收工呀，都唔洗咁牙? 同埋你地写你地收11点架!! 之后仲出超必添，熄灯! 10点半都未够，你地就熄灯赶客走，你地有几赶收工呀? 卖单𠮶阵，收佢地放低张单先，我地睇睇，之后有朋友比卡，点知佢可以低能到问，“就咁比牙?” 咩叫就咁比呀? 唔通我比八达通你嘟牙? 低能可唔可以有限度呀?
最后，我有个朋友想攞张收据泊车，自己行去问收银，收银话“下次可唔可以早啲呀，我要清机架!” 就算真系烦到你，你唔系咁答你嘅人客下嘛?
放心，唔会有下次!
一定唔会再黎，亦会叫身边朋友都唔好帮衬!
食餐饭咁受气都系第一次!
人，真系好难请!
请到啲咁嘅垃圾真系帮公司倒米。
张贴