影片
更多
2020-02-07
1840 浏览
食物质素唔错，但偏贵，员工态度差，赶客走，一句讲晒：唔值，简直比钱买难受。冇下次，贴钱我都唔去啦🙂用餐日子系星期日中午时段，其实都知星期日要等位，但冇谂到会受到咁既对待姐当日约11:30去到，禁左飞，要等十几张枱，等左好耐都冇咩点郁，等左约半小时，点知啲号码跳得好快，见到仲有3张就到，心谂应该好快有位啦。点知呢个时候，啲号码嗌返转头，我同其他食客都r晒头？🤔不过都冇计啦，唯有照等。而呢个时候，有另一堆人禁飞，见佢等左5分钟就有位，仲要同门口个知客好熟、有讲有笑咁，姐系依家熟客就唔洗等，有特权？而我等紧既途中，见到有人打去问有冇位，个接待又即刻安排位比佢㖞？咁点解其他人要等咁耐呢？咁对其他等好耐既人咪好唔公平啰🤔等等等，等左接近一小时，终于有位，但已经成肚气。不过算啦，唔系熟客，都系要照等架啦！入到去，比左张好迫既枱我地坐，一出一入都好麻烦，因为系前后都顶住晒，身都转唔到咁，仲要啲职员上菜系正你头顶上，大佬，真系一唔小心就系咁先😇呢啲都小事呀，有野仲经典，坐左未够半小时，啲职员够胆死放个留位牌系你张枱到呀！问你死未？！🤨姐系「唔出声赶你走，但我放个牌系到呀，吹咩？！」员工态度又差，黑口黑
用餐日子系星期日中午时段，其实都知星期日要等位，但冇谂到会受到咁既对待姐
当日约11:30去到，禁左飞，要等十几张枱，等左好耐都冇咩点郁，等左约半小时，点知啲号码跳得好快，见到仲有3张就到，心谂应该好快有位啦。点知呢个时候，啲号码嗌返转头，我同其他食客都r晒头？🤔不过都冇计啦，唯有照等。而呢个时候，有另一堆人禁飞，见佢等左5分钟就有位，仲要同门口个知客好熟、有讲有笑咁，姐系依家熟客就唔洗等，有特权？而我等紧既途中，见到有人打去问有冇位，个接待又即刻安排位比佢㖞？咁点解其他人要等咁耐呢？咁对其他等好耐既人咪好唔公平啰🤔
等等等，等左接近一小时，终于有位，但已经成肚气。不过算啦，唔系熟客，都系要照等架啦！
入到去，比左张好迫既枱我地坐，一出一入都好麻烦，因为系前后都顶住晒，身都转唔到咁，仲要啲职员上菜系正你头顶上，大佬，真系一唔小心就系咁先😇
呢啲都小事呀，有野仲经典，坐左未够半小时，啲职员够胆死放个留位牌系你张枱到呀！问你死未？！🤨姐系「唔出声赶你走，但我放个牌系到呀，吹咩？！」员工态度又差，黑口黑面咁。如果你一入座同我讲系限30分钟内交枱既，我咪唔食啰，又唔洗等一个钟枱。但你唔系㖞，食唔够半个钟，放个牌系你张枱，大大只字写几点乜水留左位，方死你睇唔到咁。呢啲世界级服务我真系第一次见啦。我去高级餐厅都唔会咁啦，限你食几耐，一定入座前同你讲明，唔会出啲咁既贱招啰！呢间野等位一个钟，食野限你半小时，你话死唔死，入座前唔同你讲，食食下先整你！咁既酒楼真系第一次见！最惨系啲野本身唔平，茶位又贵，野食份量少，假日乜乜xx都话加你几几多十蚊，阴啲阴啲阴干你！
结论：唔系熟客唔洗指意食，慢慢等位啦，食食下出阴招赶你，落单又多野讲，成程黑口黑面对你，食都食到背只骨落。如果钟意受气既可以去呢间野试，包保你受气都受饱
14 浏览
0 赞好
0 留言
张贴
