小房子 (已搬遷) 新店位置

其实小房子都开左颇长时间，但一直未有机会踏足，咁岩上星期约左朋友又唔知去边好，不如就去小房子啦? 由于系周末嘅关系，下午去到都要排左阵队先有得入去。小房子环境比想像中细，挂满不少植物，加上木枱、木椅、书架等充满文青感嘅摆设，加上店内有猫猫，感觉悠闲。餐厅系以自助形式落单，之后店员会送上食物。不过食物皇类不多，饮品方面都以茶/梳打为主，没有咖啡。食物方面，叫左三色小饭团，味道分别为明太子，樱花梅子同三文鱼，另外免费加配溏心蛋同沙津($78)。菜式外貌用作影相一流，但食落感觉其实都相当"颓".. 😐尤其系明太子果旧饭团，只系一旧饭加上左个紫菜喺外面，同明太子系上面，连块紫菜都变淋...☹️只有三文鱼味道系正常水准。另外溏心蛋的确系拿掐得岩岩好，但另外个配菜沙律又系感觉有啲颓，好似只系啲紫菜加芽菜。樱花水信玄饼($48)卖相精美，但食落其实同普通啫喱无异，甚或比一般啫喱淡😕，只系配以黑糖桨搭救。幸好，饮品方面玫瑰桂花乌龙茶($48)味道不错，桂花同玫瑰都各有香味，但又唔会抢过对方风头，而加上乌龙茶就岩岩好。☝🏻整体嚟讲就系比钱买个食物嘅卖相同餐厅嘅环境，但有啲客人都其实要搭枱坐，应该不会再去了