築地銀だこ (海之戀商場)

营业中

休息中

未有疫情之前，lunch time 谂唔到有咩好食好多时会去sogo 地库买佢地啲章鱼烧立食当lunch。不过而家周街食野好似唔太好就好少去。但系佢系我心目中香港数一数二既章鱼烧店。之前发觉荃湾donki foodcourt 有分店不知几高兴。不过一路都冇机会去试，今日咁啱想去个间新铺排长龙就去donki foodcourt 食吓野。叫左8粒明太子章鱼烧满心欢喜埋位食，未食就见到其中一粒有穿左个窿。心谂冇野既SOGO 个间咁好食呢间都唔会好差。点知一咬落去⋯⋯eeee 点解咁脆？ 再睇真D 点解会得个壳有少少好似水既粉浆，同埋一粒好章鱼肉⋯⋯ D 粉去晒边？sogo 个间入面好full 呢间得个壳，仲要系脆。好难食，仲差过街边小食店唔入流自己乱整个D。试左4粒都系咁，应该系个粉浆出左事，太稀。原来好食唔系必然，想食章鱼烧我都系去返sogo 算。