三木日本料理 (已結業)

一向中意食放题既我，今日决定同朋友决战三木。位置邻近k11，好方便，今次冇book位，由于等既人唔算多，好快已经可以入坐。环境睇落都唔错又够大。入正题啦，食物款式选择好多。先讲刺身啦，差不多全部点哂，有三文鱼、油甘鱼、吞拿鱼、帆立贝、极大甜虾、螺片等等，不过除左点单纸推介既极大甜虾外，其他都比预期中失望。甜虾真系好大只，食落鲜甜爽口。其他刺身卖相都一般般，冇乜光泽，三文鱼筋位多，油甘鱼、吞拿鱼稍稍薄切左，唔够肥美。到串烧啦，鸡软骨、麻辣鸡翼、秋刀鱼都唔错，入味！鸡软骨、麻辣鸡翼够入味，秋刀鱼肉质鲜甜。但佢地推介既盐烧牛舌实在落得太多盐了，一个字，咸！其他烧物都中规中矩啦。到沙律啦，点左2款:牛油果野菜同蟹籽薯仔。牛油果野菜d味道偏淡，过得去。相反，蟹籽薯仔就岩岩好，入味！总括:食品质素比预期中失望了少少，差不多既价位会考虑其他的选择。其次，服务质素都有待改善，可以礼貌少少啰。