峇峇娘惹 (MOSTown新港城中心(4期)) (已結業)

今日去咗新港城中心行街，去到六點幾就喺附近搵嘢食。行過見到呢間峇峇娘惹，之前都想食，不過一直覺得佢好似好貴。但今次去睇吓個餐牌，原來都幾抵食😆兩個人食都叫咗幾多野，加一服務費後，兩人都只係$207。叫咗一個油酥餅，$22，仲配埋咖喱汁。幾好食同幾抵食👍🏼呢個叫做斑蘭咖央多士，加配價$28，坦白講有少少失望，唔係正宗咖央多士，只係普通西多士，入面變咗斑蘭醬。炒通菜，$39，幾抵食，夠獲氣，味道都好惹味。最後叫咗兩碗魚腐喇沙，$49一碗。賣相其實唔錯，睇落去好好味。本人好鍾意食喇沙，亦經常食喇沙，味道略嫌淡左少少，冇咩椰香味，但賣相睇落去好似好重味咁😆不過總體呢間都值得推介，整體價錢，店舖環境，食物質素都可以的。值得推介。