滿江紅小甜甜 (已結業)

男朋友话之前食一间川菜好好食，不过几年前既事，成日系度讲，睇食评又好似唔错，咁就去啦。入正题 蒜泥白肉个味较得几好，特别中意佢佢蒜泥，佢真系磨成泥，入口即溶，而且好香，白肉既厚度适中，可以一战。第二，口水鸡。呢度既鸡就唔系好多油，食落唔算好辣，但唔知点解食多几旧就有啲麻脾既感觉。佢底啲青瓜花生好好食，哈哈。第三，麻辣鱼春鱼卜煲。呢个系有啲失望既。闻落去无好香既麻辣味，鱼春食落都无乜特别，仲有少少怪味。鱼卜份量足够。煲野越食越辣，要系咁饮野。一定要食底个啲薯仔同萝卜！好食。青瓜就不了，煲到淋晒，唔明摆落去既用意系咩，摆莲藕会开心啲。凉拌莴笋。明显系刨岀黎，太粗，而且口感唔够爽脆。可能系无浸冰水。