一風堂 (德福廣場) (已結業)

大年初二晚, 市面比平日静多了~ 今晚心血来潮想食拉面, 就决定嚟呢度踫一踫运气 ^^ 因为平时呢度其门如市一样, 好难等位… 所以从来都未试过! 哈哈, 今晚跟想像中一样, 真系唔使等呢 (≧∇≦)餐厅嘅环境都唔错, 用上大量红, 白, 黑色做对比, 出奇地协调!枱面上放了多种调味料供客人随意使用 ^^ 够细心!男友点咗个 "我的拉面" - 咖喱辣肉汤底配杂锦配料, 另加了温泉蛋, 日式云吞 & 水煮野菜 ^^ 汤底好浓郁, 叉烧好入味好稔, 云吞好滑溜, 温泉蛋好惹味, 野菜好爽口!而我就点咗 "特制札幌味噌拉面", 内含: 叉烧, 豚角煮, 盐味半熟蛋 + 粟米 ^^ 不用多讲, 味噌汤真系好浓郁, 叉烧 & 豚角煮都好入味好稔, 盐味半熟蛋有流心嘅效果, 粟米亦好清甜!另外, 我哋亦点了 "炸紫菜墨鱼须", 墨鱼须好爽口, 同紫菜异常地合拍 ^^ 墨鱼须嘅炸粉亦好薄, 食多几件都唔觉腻!因啤酒做紧买一送一嘅优惠, 我哋都点咗个朝日生啤凑吓热闹 ^^一向不太热爱连锁店嘅我俩, 今晚都食得好开心, 并对连锁店有点改观 *^O^*