影片
更多
2013-11-06
5712 浏览
早排家人生日,见呢到有不限时放提,由于食前睇过食评,见好坏参半,但价钱相宜就订枱试下 餐厅环境都唔错,由于比较早订位,可以安排卡位俾我地坐 坐低后就有人介绍落单方法,再先有个刺身拼盘俾我地医肚,呢方面都几细心! 讲下啲食物,刺身种类唔算多,但都几新鲜,白玉豚同象拔蚌刺身最值得试,但可能人多既关系,点完既刺身都要等大约10分钟先到 反而佢地寿司同卷物款式都几多,有只叫"妈妈鱼"既寿司个名好得意,口感都几爽口几特别软壳蟹手卷同大虾天妇罗手卷最值一试0 因为老人家比较钟意食熟食,所以和食方面都点得比较多,样样都试下先试和牛粒,金菇牛肉卷,芝士焗蚝,青酒煮蓝青口同三文鱼骨腩,和牛粒半生熟,味道啱啱好唔太浓唔太淡够入味,食落又无"稣"味,我地Re Order左4,5次,必食!! 金菇牛肉卷味同和牛粒个汁唔同,浓味啲,唔会煮到啲金菇干晒,唔错!芝士焗蚝,沙律酱掩左啲芝士味,胜在蚝都算大只,但食多会腻!青酒煮蓝青无青酒味,味道唔突出!三文鱼骨腩见枱枱都叫就试下,唔算烧得太干身,送酒一流 串烧比较印象深刻系鸡肉,鸡软骨同肠仔,鸡肉同鸡软骨唔会"硬骨骨",肠仔有啲油,但都几似台湾肠,好味!
由于食前睇过食评,见好坏参半,但价钱相宜就订枱试下
餐厅环境都唔错,由于比较早订位,可以安排卡位俾我地坐
坐低后就有人介绍落单方法,再先有个刺身拼盘俾我地医肚,呢方面都几细心!
讲下啲食物,刺身种类唔算多,但都几新鲜,白玉豚同象拔蚌刺身最值得试,但可能人多既关系,点完既刺身都要等大约10分钟先到
反而佢地寿司同卷物款式都几多,有只叫"妈妈鱼"既寿司个名好得意,口感都几爽口几特别
软壳蟹手卷同大虾天妇罗手卷最值一试0
因为老人家比较钟意食熟食,所以和食方面都点得比较多,样样都试下
先试和牛粒,金菇牛肉卷,芝士焗蚝,青酒煮蓝青口同三文鱼骨腩,和牛粒半生熟,味道啱啱好唔太浓唔太淡够入味,食落又无"稣"味,我地Re Order左4,5次,必食!! 金菇牛肉卷味同和牛粒个汁唔同,浓味啲,唔会煮到啲金菇干晒,唔错!芝士焗蚝,沙律酱掩左啲芝士味,胜在蚝都算大只,但食多会腻!青酒煮蓝青无青酒味,味道唔突出!三文鱼骨腩见枱枱都叫就试下,唔算烧得太干身,送酒一流
串烧比较印象深刻系鸡肉,鸡软骨同肠仔,鸡肉同鸡软骨唔会"硬骨骨",肠仔有啲油,但都几似台湾肠,好味!!
至于试左佢地既秋刀鱼发觉有惊喜,因为好怕外面多数都有腥味,呢到反而无,配埋柠汁食几好
炸物食得比较少,系Re Order左2次虾饼同而妇罗虾,佢地啲炸物做得几好唔油腻!
其实仲想试埋啲拉面,不过比较想试火锅所以留番下次啦!
以放提讲火锅配算多,点左猪骨汤底,食完就开始食甜点
泡芵好入而cream似雪糕好好食!
埋单位位$200到,食物质数又比想像中好,会再黎食!
题外话/补充资料：
反观熟食上菜比较快,建议边点熟食边等刺身
值得赞下待应服务威好,有耐性有礼貌,而且个个笑容满面,满分!
(以上食记乃用户个人意见 , 并不代表OpenRice之观点。)
张贴