四川樓菜館 (已結業)

今次第一次为眼光对住四川，向四川菜出发，最钟意就系食辣啦！味道：点左干扁牛肉丝，因为朋友唔食得辣而叫左小辣，一黎到食落真系冇咩辣味，不过都几刺激胃口，唯独太油啦！赛螃蟹都几好味，因为蛋白加埋少少汤底好有味 最后仲有一个三鲜锅巴好好味！最好食系呢一个，有d金华火腿、鸡肉、磨菰等等系个汤度，淋落卜卜脆既饭焦度真系好味 食饱仲有糖水送，雪梨雪耳，虽然太甜，但都唔介意照饮！ 服务：好！可能果时唔多客啦，侍应好有心咁帮我地，答哂我地既问题！见到呢度有几台都系日本人，个部长原来仲识讲日文添！ 系呢度食野都因为咁所以觉得好开心 抵食：最值得赞呢度既除左服务好之外，仲有就系小菜可以拣中size或者细size，咁就唔怕中菜太大碟食唔哂，仲可以试多几款添！ 可以试多几款而且价钱又唔贵，你话抵唔抵？