Pati by Lassana (已結業)

又黎荔枝角做野，所以指定动作又上黎search下有咩好食，见呢间好多好评，而且价钱竟然唔洗$100，所以就决定黎试下原来呢到系一个food COURT, 先买飞后再去order, 明明食评话有好多款沙律选择，但今日只得几款，我地拣左蜜桃沙律，菇，西兰花同凯撒沙律，好评如潮既蕃薯沙律就未见踪影，到拣主菜，亦系得几样拣，亦唔见有焗薯，我同同事唯有一个叫包，一个叫左炆牛腩黎试下，之后再跟咖啡，因为2人餐，所以比1人餐平几蚊其实呢到份量系多，4款沙律都系ok, 但主菜真系唔掂，牛腩冇咩味而且好un, 个包仲差，反叮到硬哂，至于杯咖啡，仲差过茶餐厅所以真系唔试唔知真定假，好彩呢餐$6x, 代价唔算大