影片
更多
2023-12-08
139 浏览
闺蜜超钟意毛孩，啱啱就带左我去呢间以毛孩做主题既无限时任食火锅店 - 为食火锅公司，食左一个丰富既晚餐。为食火锅公司位于官塘创纪之城一期附近，如果搭地铁去，向牛头角地铁站出闸，经天桥行过对面就好易揾到喇！全间店都系以各种不同可爱既猫猫狗狗做主题，宣扬大家要爱护毛孩。店内地方非常阔落，有卡位亦有不同大细既枱方便食客聚餐。今次我同闺密选择左$288/位既为食套餐；首先有6款既餐前小食，有炸薯条，炸番薯条，炸大肠，鲍汁鸡脚，唐扬炸鸡同蟹籽沙律。各式炸物都系热辣辣，脆卜卜，好惹味。餐前小食都系无限添食，可以食完食够先再食主菜。食完餐前小食，就有一次性既三点刺身；分别有三文鱼，北寄贝同牡丹虾。唔好以为呢个刺身拼盘分量细细，隐藏向碎冰中既牡丹虾，尺寸有我手掌大细，非常有诚意架！食完刺身就可以开始食头盘，你可以选择要酸菜鱼或者鸡煲，二选一。因为闺蜜唔食鱼，所以我地选择左小辣鸡煲。一打开鸡煲既盖已经麻香扑鼻，鸡肉嫩滑而且浓郁惹味，我地都食到唔停得口。食到呢到，我已经饱左一半😅之后就到火锅盛宴；我地选择左樱桃蕃茄薯仔汤底；套餐包有海鲜拼盘（5款）同牛肉拼盘（5款）。食完唔够喉，仲可以手机扫QR code
为食火锅公司位于官塘创纪之城一期附近，如果搭地铁去，向牛头角地铁站出闸，经天桥行过对面就好易揾到喇！
全间店都系以各种不同可爱既猫猫狗狗做主题，宣扬大家要爱护毛孩。店内地方非常阔落，有卡位亦有不同大细既枱方便食客聚餐。
今次我同闺密选择左$288/位既为食套餐；首先有6款既餐前小食，有炸薯条，炸番薯条，炸大肠，鲍汁鸡脚，唐扬炸鸡同蟹籽沙律。各式炸物都系热辣辣，脆卜卜，好惹味。餐前小食都系无限添食，可以食完食够先再食主菜。
食完餐前小食，就有一次性既三点刺身；分别有三文鱼，北寄贝同牡丹虾。唔好以为呢个刺身拼盘分量细细，隐藏向碎冰中既牡丹虾，尺寸有我手掌大细，非常有诚意架！
食完刺身就可以开始食头盘，你可以选择要酸菜鱼或者鸡煲，二选一。因为闺蜜唔食鱼，所以我地选择左小辣鸡煲。一打开鸡煲既盖已经麻香扑鼻，鸡肉嫩滑而且浓郁惹味，我地都食到唔停得口。食到呢到，我已经饱左一半😅
之后就到火锅盛宴；我地选择左樱桃蕃茄薯仔汤底；套餐包有海鲜拼盘（5款）同牛肉拼盘（5款）。食完唔够喉，仲可以手机扫QR code再落单超过20款既肉类同火锅配料，无限添食。另外，餐厅仲有田园自助吧，可以自取各类蔬菜，菇类。最紧要系非酒精饮品系任饮既，有超过15种不同饮品可以选择。
餐厅系无限时任饮任食，由餐前小食一路食到尾，绝对系会肥几磅🤣
张贴
