Puppuccino (已結業)

将军澳南边海滨开咗好多唔同特色嘅餐厅，其中一间特别吸引，因为门口坐左好多毛孩！原来呢间系一个宠物友善的餐厅。不过就咁食西餐的确好难打响啅头，呢度主要系食西餐配fusion，每一道菜都好惊喜。自选沙律其中一样几吸引的地方系餐厅入面有个水耕柜，沙律可以自己选择配料和酱汁，好特别㖞！我拣左罗马生菜和加配三文鱼，酱汁方面比较特别嘅拣咗阿根廷番茄干青酱。泡菜烟肉炒肠粉这个配搭真的可以几可乱真，睇落以为系韩式年糕，炒落唔会太辣，肠粉吸左好多泡菜的辣味。估唔到泡菜嘅辣，烟肉的咸香，同埋肠粉系咁夹！清酒蚬辣肉肠意粉比较干身的炒意粉食落清爽，蚬的份量都唔少，每一粒都系啖啖肉。食落有蒜片和菇，中和了辣肉肠的浓味。主菜慢煮猪鞍一上枱我都吓左一跳，就咁睇个名估唔到原来用上了吉列嘅做法，本身以为佢应该好干好硬。经过煮慢煮之下，肉质仲可以保持鲜嫩，一切开就见到里面仲有粉嫩的肉！一点都不干。配以特制烧汁，和红菜头他他，能中和油腻感！真的推荐比喜欢香口的朋友。迟D地库仲会开多少少空间，仲有全港第一个比竉物玩的飘雪场，好欢乐啊！仲有好多玩乐的空间咁多位主人又多一个好去处啦！