雲南風味小鍋米線

营业中

休息中

平日谂唔到食咩都会找你你间米线舖食米线，通常都系叫一个𩠌，但系今日实在太肚饿嘅关系所以叫咗一个过桥米线。＄52一碗过桥米线价钱都叫合理，米线嘅份量比连锁嘅米线店少，但系胜在材料质素较高。个人最钟意佢嘅鸡肉，系用鸡脾肉架，肉质够滑，唔会鞋口。汤底拣咗清汤，奶白色嘅汤底饮得出好清甜而且好足料。猪软骨大大嚿，咬落去好淋身，钟意咬埋旧软骨，好有咬口。猪大肠都好正，连埋旧肥肉咬埋一齐，而且仲要吸晒个汤汁。食完果下真系好饱，但系又好满足。