居食屋「和民」 (1亞太中心) (已結業)

朋友一向对和民嘅寿善烧同玉子烧情有独钟，为每次嘅必点菜式。今次亦不例外，再加沙律及寿司。食物好快就到，玉子烧明显细份咗，碟寿司竟然全是烂饭做嘅，明显落得太多水所致，完全冇日本珍珠米饱满、软绵嘅口感，连争鲜外卖嘅水平都不如一向食开寿喜烧大份量系跟两只蛋，如加乌冬会再多一只蛋，以上嘅份量都分别显示喺餐牌嘅相片同标注度。但今次叫大份加乌冬，店员只上咗两只俾我地，我地翻睇餐牌，见相片同标注都同我地以前食嘅一样，落单时店员又冇购份量同餐牌上唔同，就决定问店员。个店员一直只讲大份量都系跟一只蛋，我地再三表示系其他分店都系跟两只，而且图片都显示系两只，店员都一直解释唔到。最后再揾另一店员问，佢先解释大份量嘅蛋数目每个分店都唔同。但问题系点解餐牌冇写，落单时又冇讲，咁样系咪违返商品说明条例呢？唔明点解咁大间连锁食肆，餐牌都写成咁，个寿喜烧明明应该系甜嘅，又变咗咸，真系完全接受唔到。 今次唔俾差评真系对唔住自己同其他潜在食客。