皇冠餐廳

营业中

休息中

荔枝角D2 place附近开左呢间茶餐厅，夜晚9点钟想食小菜，就入左去食。叫左一份黑椒薯仔牛柳粒，一份风沙蒜香骨，70几蚊唔包饭/野饮，要另外加$12转套餐，都几贵。野食方面，黑椒薯仔牛柳粒一上枱个下，真系即刻望一望返个餐牌，写住牛柳粒，但嚟既系牛片，好似干炒牛河个啲牛咁。另外个黑椒汁超级甜，一啲黑椒味都冇，薯仔亦系好淋，明显冇炸过。风沙蒜香骨，啲炸蒜好油，淋身唔脆口，街买个啲一罐罐即食炸蒜都好食过佢。另外个骨亦系好油腻，唔够热，好似冇炸过咁，一啲都唔香口，毫无镬气，怀疑佢用电磁炉煮既。味道亦超级咸！又贵又差，唔会有下次。