影片
更多
2012-03-30
30 浏览
季季红湾仔分店3月18号正式开张，老细早两日去试，食完返黎话D点心唔错，介绍我地去饮茶。身为听话o既员工，我地第二朝就立刻订位试食，睇下有几唔错。酒楼门面同装修都店如其名般咁红；全店都摆放左好多猪o既装饰，因为季季红出名食乳猪。酒楼左侧为烧味外卖部。正门玻璃门一打开就系通往大堂o既自动扶手电梯，好有气势。上到一楼，发现原来酒楼三层都以自动电梯连接，集团真系舍得！再查问清楚，先知道原来季季红为湾仔新店耗资达成千万！其实酒楼面积好大，不过唔知点解D枱要摆到咁密麻麻，迫迫狭狭，令食客坐得好唔舒服，伙计自己亦行得辛苦。不过最奇怪都系中式酒家入面居然设有一个鱼生部啰。虽然话系新开张，不过招呼绝不热诚。服务生人数唔算少，不过想叫人落单，问野，收碟，叫极都冇人理我地，真系唔知大家忙紧乜。午饭时间只有一个钟，为求速战速决，大家就决定叫个四位用o既午市自选套餐，$318包点心四款，小食一款，小菜两款，同粉面饭一款： 点心一之蒜茸虾春卷：炸得OK脆，个虾馅都好爽，不过就食到成口油，太过肥腻，而且好劲味精。 点心二之时菜鲮鱼球：太硬太实，估计因为用得太多粉，失败得很！ 点心三之南翔小笼包：小笼包唔够热，而且
酒楼门面同装修都店如其名般咁红；全店都摆放左好多猪o既装饰，因为季季红出名食乳猪。酒楼左侧为烧味外卖部。正门玻璃门一打开就系通往大堂o既自动扶手电梯，好有气势。上到一楼，发现原来酒楼三层都以自动电梯连接，集团真系舍得！再查问清楚，先知道原来季季红为湾仔新店耗资达成千万！
其实酒楼面积好大，不过唔知点解D枱要摆到咁密麻麻，迫迫狭狭，令食客坐得好唔舒服，伙计自己亦行得辛苦。不过最奇怪都系中式酒家入面居然设有一个鱼生部啰。
虽然话系新开张，不过招呼绝不热诚。服务生人数唔算少，不过想叫人落单，问野，收碟，叫极都冇人理我地，真系唔知大家忙紧乜。午饭时间只有一个钟，为求速战速决，大家就决定叫个四位用o既午市自选套餐，$318包点心四款，小食一款，小菜两款，同粉面饭一款：
点心一之蒜茸虾春卷：炸得OK脆，个虾馅都好爽，不过就食到成口油，太过肥腻，而且好劲味精。
点心二之时菜鲮鱼球：太硬太实，估计因为用得太多粉，失败得很！
点心三之南翔小笼包：小笼包唔够热，而且睇相都知入面唔够汤，不过好在个猪肉馅唔会肥，所以食完一D都唔会溜。
点心四之蟹籽蒸烧卖：点心中质感同味道都系最正常o既一款，不过都系衰唔够热。
小食之海蜇分蹄：分蹄有阵「押」味，海蜇好油同好味精，食到我地四个都好口干！
小菜一之豉蒜凉瓜蝴蝶腩：毫无镬气，完全食唔出有用蒜头豆豉爆香过o既味道mad:！蝴蝶腩同苦瓜又硬又唔入味，劲唔掂！
小菜二之香芋南瓜滑鸡煲：同事们赞香芋同南瓜够腍，鸡个味道都校得唔错。不过，问题系用煲上都可以唔够热，大家都觉得个𩠌系返叮之作。
粉面饭之福建炒饭：我地四个食完都想问下依个当真系福建炒饭？外表唔吸引唔紧要，不过大家真系味食过咁冇镬气，而且走左烧鸭o既福建炒饭。未落芡前，个饭应该先用蛋炒过，依点连平时唔入厨房o既XO仔都知道，唔知系师傅忙得滞，定系唔够料呢？
计埋茶钱同加一，每人要成一百蚊饮餐坐得唔舒服，食物水准油麻地o既茶，唔抵程度高到我地四个都唔会再返转头啰！张贴
