Hami Harmony (已結業)

上堂前继续喺附近揾食，拣咗太子呢间Openrice入围食店，每张枱嘅枱面都有唔同嘅民族花纹，门口有两个好励志嘅金句，意思系人生要有梦想，为自己而活。小食拼盘配搭特别，非常colorful，甜甜嘅番薯条、BBQ汁炸鸡翼、葱油饼配埋带咸香味嘅芝士条，芝士条可以拉丝，可以沾一点千岛酱，谂唔到叫咩小食可以点呢个。日本带子黑松露意大利饭非常creamy，黑松露份量非常多，每一啖饭都食到黑松露嘅香味。呢间店嘅梳打都系用鲜果茸打起，试左芒果椰子梳打同埋哈密瓜菠萝梳打。芒果椰子梳打芒果味浓郁，哈密瓜菠萝梳打味道相对淡一些，感觉清新。