原藝 (已搬遷) 新店位置

今日喺界限街订完cushion就喺附近揾到呢间似几型格嘅餐厅，平民区有咁高质素确系难得，事不宜迟天气咁热，即系冲入去先餐厅唔算大，坐高櫈吧枱。我哋二人总共点咗一个Set Lunch 另外有汉堡泡芙同埋d小食。Main拣咗大虾黑松露意大利饭加咗个黑松露汤蘑菇浓汤。另外，法式咸泡芙安格斯汉堡串烧招牌鸡串，牛肩胛，牛舌厨师好重手。个浓汤劲重料，松露味已经好香，而且每啖都好creamy, 仲有好多菇碎溶入整碗汤，一d都唔马虎。泡芙汉堡劲靓仔，用泡芙做嘅汉堡都系第一次食，卖相已经吸引到我流晒口水，切开一半后睇到厚厚嘅安格斯流紧出紧烟嘅肉汁，香喷喷。好好食！肉质唔鞋之余真系好多肉汁，咸泡芙够独特打破传统，成功取替麦包。大虾黑松露意大利饭两只约四吋长大虾好弹牙。虾身传出浓浓嘅虾香。似焗完出嚟嘅效果。意大利饭粒粒烟靭之余吸收晒松露味同忌廉，creamy又香口。至于串烧鸡有三粒。皮脆肉唔止滑而且做到真juicy, 即烧即食够邪恶。牛肩胛肉质有层次但唔鞋。重牛味。又系正。牛舌我就觉得正常，但都唔差。整体感觉去咗港岛区食嘢咁，店内只系听到烹饪嘅声音，感觉格调高，又一间民间厨神出现。