影片
更多
2017-02-19
917 浏览
今日中午同女友去左食lunch,女友叫左个拉面，而我就叫左个鱼生饭，因为肚饿，所以谂住鱼生饭会好快到。大约等左7-8分钟，女友所叫嘅拉面已到，咁唯有大家食住先啦。之后再多等5-6分钟，我所叫嘅鱼生饭仍然未到，但我竟然见到隔离比我迟入坐嘅一男一女，佢地所点嘅鱼生饭已经到左，之后我即刻问女侍应，点解人地迟过我入嚟竟然食先呢？妳地系唔系漏左落单呀？如果真系无落单，帮我取消佢啦！女侍应听完入厨房后出返嚟，非常无礼貌同我讲，咁你系唔系取消呀?我心谂，哗，咩嘢事呀？妳无落单仲咁嘅态度，道歉都无一句，之后我答佢话，紧系啦，我女友都已经食完啦，而且唔明点解隔离台个鱼生饭可以食先过我啰，之后女侍应好不屑咁由我张台大叫到去同女收银讲话，xx台取消鱼生饭，就走左去。到最后埋单，去到女收银收钱时都系，佢全情黑面，我最唔明点解全铺无职员觉得系佢地疏忽，以引致今次事件，最好笑连一声唔好意思都无讲，今时今日嘅食市可以以咁嘅态度对食客，我相信都好难揾到第二间!
张贴