Soul9+ (已結業)

朋友介绍呢间餐厅俾我，就book位黎试下啦！点知行错左另一边，明明已经到左门牌，但都见唔到间餐厅，打电去问先知系另一边如果大家黎既，记得一出北角港铁站转左，直行，穿条巷就到架啦，其实好近，识行一定甘行！黎到门口，感觉几有气氛，估唔到北角呢度都有间甘正既餐厅，朋友果然无介绍错啊！餐厅内里唔算好大，灯光暗暗地，职员好快就上水同餐牌，有礼貌，上菜同收拾都好快。唔好睇佢餐厅细细，餐牌上都几多野食简，小食、意粉、饭、薄饼、沙律、扒，物都有。美中不足系无甜品，定系我睇漏左？先叫左个章鱼烧同行个小朋友十分喜欢，自己食左半份！首先，佢用五颜六色既炉仔装住章鱼烧，视觉吸引！章鱼烧上有大量既木鱼丝同紫菜，夹住配料，一啖一粒刚刚好，不过好热，要小心啲水牛芝士薄饼可以自选配料加上去，今次我就加左三文鱼同黑毛猪火腿，各加18蚊。个底好脆，薄皮，有蕃茄酱，酸酸地，唔会好济。材料好多，食落啖啖肉！正！食西餐总会叫块牛扒，系我既至爱！牛扒好厚身，好香牛油同黑椒味，煎到焦焦地，好香口！伴碟有沙律菜同薯条，份量唔少！呢一份扒既价钱唔贵，大份得黎又好食，抵食！牛扒叫左五成熟，好多肉汁，好林，夹杂住黑椒，好香！佢系用果汁去煎