影片
更多
2017-06-30
136 浏览
周二晚去到呢间餐厅食饭，餐厅位于彩鸿酒店1楼，上一层楼梯就见到，企喺楼梯口望入去就不怎么样，有一个整齐嘅酒柜，感觉系比较旧式嘅西餐厅。近门口位置就系水吧，隐约望入去都可以见到厨房部分。位置都几多，空间感足，但由于正值晚饭时间，客人不少。唔想影到其他客人入镜，所以我都系衬十点零钟离开时先影到餐厅环境。甫坐低已经听到有位驻场叔叔唱歌，是夜我都听左好几首披头四，呀仲有，应该在场有客人生日，我听左3次生日歌 (笑)，客人以中年为主，所以一路听歌都好投入，气氛系相当唔错，好轻松咁食左餐饭。而且店员都好有礼，主动为客人影相、点蜡烛，有求必应，而且同客人都有讲有笑。餐牌选择唔算好多，前菜、生蚝、汤、沙律、薄饼、肉类、意粉、意大利饭、甜品等，定价中上。一人餐有两款，平啲嘅包括前菜、龙虾汤、主菜 (2选1)，可以优惠价配甜品，连埋加一，人均都250蚊以上；另外一款$488/位，会多左生蚝、沙律、主菜 (选择较多，7选1)、甜品、饮品。本来店员都有推介我地食生蚝，价钱就唔贵嘅，隐约记得佢话食一打可以送酒；但由于我唔食生蚝，以免男朋友要自己食哂一打，所以我地都冇点。加上系谂住黎随便食个饭，冇打算喺度消费太高
近门口位置就系水吧，隐约望入去都可以见到厨房部分。
位置都几多，空间感足，但由于正值晚饭时间，客人不少。唔想影到其他客人入镜，所以我都系衬十点零钟离开时先影到餐厅环境。
甫坐低已经听到有位驻场叔叔唱歌，是夜我都听左好几首披头四，呀仲有，应该在场有客人生日，我听左3次生日歌 (笑)，客人以中年为主，所以一路听歌都好投入，气氛系相当唔错，好轻松咁食左餐饭。而且店员都好有礼，主动为客人影相、点蜡烛，有求必应，而且同客人都有讲有笑。
餐牌选择唔算好多，前菜、生蚝、汤、沙律、薄饼、肉类、意粉、意大利饭、甜品等，定价中上。
一人餐有两款，平啲嘅包括前菜、龙虾汤、主菜 (2选1)，可以优惠价配甜品，连埋加一，人均都250蚊以上；另外一款$488/位，会多左生蚝、沙律、主菜 (选择较多，7选1)、甜品、饮品。
本来店员都有推介我地食生蚝，价钱就唔贵嘅，隐约记得佢话食一打可以送酒；但由于我唔食生蚝，以免男朋友要自己食哂一打，所以我地都冇点。加上系谂住黎随便食个饭，冇打算喺度消费太高，所以只系点左一个薄饼、意粉同甜品。
夏威夷薄饼 $140
薄饼一共10款，定价 $140-$180，我地拣嘅系非常普通嘅夏威夷薄饼，佢地嘅薄饼系即时制作，所以都等左一段时间。
薄饼上枱热辣辣，饼边焗至脆身，食落烟韧加上芝士、波萝、烟肉呢啲材料，好难唔好食。
不过我地两个分一个薄饼就会有少少饱滞，而相对咁普通嘅配料，薄饼定价都几进取。
夏威夷薄饼
$140
1 浏览
0 赞好
0 留言
纯正意大利卡邦尼意粉 $168
正愁拣边款意粉，斜对面张枱就点左呢个意粉，见几过瘾，有厨师会即场煮，决定跟风。
首先店员会推架餐车过黎，上面有一大旧芝士，然后就即场炒意粉，又出动火枪，都几浮夸架，不过成功吸引都好多客人过黎影相 (笑)
餐牌标明用上意大利烟肉、36个月腌制芝士，一睇就知肥腻，好在我的字典里冇减肥呢两个字 (放弃治疗)。
意粉软硬适中，面头洒上不少黑椒，主角芝士非常非常多，可算系我食过最多芝士嘅意粉，多到每啖都有芝士，芝士半溶状态，味道浓郁，芝士控不能错过。份量几乎同意粉占半，食到尾会有少少鞋口；而且见到牛油、芝士呢啲材料，食到接近碟底系有点油腻，两个人食都有点勉强
贪得意点呢款意粉试下都唔错，毕竟唔系好多机会可以试到，用上熟成芝士，加上有人即场做，都几有诚意啦。
纯正意大利卡邦尼意粉
$168
12 浏览
0 赞好
0 留言
纯正意大利卡邦尼意粉
$168
5 浏览
0 赞好
0 留言
自家制意大利芝士饼 $48
店员极力推介下我地试埋tiramisu，话系餐厅招牌，平时食唔到呢种咁正宗嘅意大利味，确实系几好食嘅，不过单点价格稍高，跟餐可以加钱配。
蛋糕湿润软绵，咖啡、可可粉、酒香层次分明，中间软心，配合碟边嘅朱古力酱，甜度适中，入口溶化，以呢个甜品作结都几满足
自家制意大利芝士饼
$48
7 浏览
0 赞好
0 留言
总括而言，餐厅嘅食物中规中矩，惊喜欠奉，定价略高，只系气氛真系唔错，听住歌食饭 (如果想静静地食饭，就帮你唔到)，相信特别受外国客人/中产欢迎。店员招呼搭够，细心有礼，换碟、加水、餐纸一律好主动。
餐牌：
张贴
