Da Filippo Trattoria (已結業)

位於海港城的意大利餐廳，每天經過都見到大排長龍，今晚亦如是，慶幸我們因為願意坐Bar檯位置就不用排隊。海膽意粉：新派西餐菜式，意粉口感滑身，醬汁濃稠，每條意粉都帶住滿滿嘅醬汁，非常creamy 。情人眼裏出肉肉：係呢度出名嘅homemade pizza，佢哋係餅皮全部都用手搓製，所以口感特別煙韌軟熟，再加埋表面上滿鋪滿多種肉肉，令味道同口感都變得豐富。千層提拉米蘇：呢度嘅提拉米蘇係用咗軟滑嘅Mascarpone芝士，所以食落好輕盈，唔會太膩，而除咗芝士外，仲有浸泡咗咖啡酒嘅手指餅，所以除咗咖啡香味外仲有淡淡嘅酒香味，當然唔少得表面灑上嘅濃郁朱古力味嘅可可粉啦，令整個提拉米蘇嘅味道層次提升不少。