影片
更多
2017-05-09
7720 浏览
呢間餐廳我嚟過三次，之前嗰兩次係因為工作關係。佢係一個名牌搞嘅活動，當時已經覺得呢一間餐廳嘅環境同埋氣氛好好，心裏面已經有衝動下次一定要同朋友來呢度食。今日有個朋友生日，佢突然之間話想喺有水的餐廳則邊食飯。我個腦就轉得好快，第一時間諗起呢一間香港公園有個瀑布嘅餐廳。呢間餐廳下午來嘅時候會比較好，因為可以清晰見到原來嘅湖泊同埋水瀑布。夜晚的時候，園內嘅燈光已經熄滅，所以其實都見唔到窗外有啲乜嘢。我哋七個朋友仔好開心，一見到面就係咁傾計。不過都係點菜先啦！點菜方面我朋友就話事，佢就點左個鴕鳥肉炒辣椒、椰絲雞鍋湯、Apple Cider菠蘿特飲、豬頸肉辣鳳爪同埋串燒。好彩呢啲都係我鍾意食嘅嘢。鴕鳥肉炒辣椒係香港都幾難食到，不過食落去一啲都唔騷，而且連埋紅椒炒感覺好清新、好香，我有食埋啲辣椒，但啲辣椒都唔太辣。之後嚟咗嘅串燒，係雞翼嚟嘅。我哋就每人分左一隻，都足夠俾六個人食，感覺有啲乾但係數味道上面都唔錯。之後仲有叫咗個黑松露娃娃菜，個菜好好味，完全係啱晒素食者嘅要求，包埋黑松露喺裏面，高檔嘅層次配上平民化嘅娃娃菜感覺非常好。另外叫咗個豬頸肉，雖然我知道豬頸肉可能有激素對身體唔好，但係我都好鍾
今日有個朋友生日，佢突然之間話想喺有水的餐廳則邊食飯。我個腦就轉得好快，第一時間諗起呢一間香港公園有個瀑布嘅餐廳。呢間餐廳下午來嘅時候會比較好，因為可以清晰見到原來嘅湖泊同埋水瀑布。夜晚的時候，園內嘅燈光已經熄滅，所以其實都見唔到窗外有啲乜嘢。
我哋七個朋友仔好開心，一見到面就係咁傾計。不過都係點菜先啦！點菜方面我朋友就話事，佢就點左個鴕鳥肉炒辣椒、椰絲雞鍋湯、Apple Cider菠蘿特飲、豬頸肉辣鳳爪同埋串燒。好彩呢啲都係我鍾意食嘅嘢。
鴕鳥肉炒辣椒係香港都幾難食到，不過食落去一啲都唔騷，而且連埋紅椒炒感覺好清新、好香，我有食埋啲辣椒，但啲辣椒都唔太辣。
之後嚟咗嘅串燒，係雞翼嚟嘅。我哋就每人分左一隻，都足夠俾六個人食，感覺有啲乾但係數味道上面都唔錯。
之後仲有叫咗個黑松露娃娃菜，個菜好好味，完全係啱晒素食者嘅要求，包埋黑松露喺裏面，高檔嘅層次配上平民化嘅娃娃菜感覺非常好。
另外叫咗個豬頸肉，雖然我知道豬頸肉可能有激素對身體唔好，但係我都好鍾意食。豬頸肉嘅厚度正宗，令人好想一啖食完再一啖，所以我都食咗幾塊。
最後不得不提嘅就係椰子雞鍋湯，呢個椰子雞鍋湯非常之出色，我淨係飲佢啲湯都可以飲兩碗！裏面嘅配料唔辣，但係非常香口。試得到佢耶奶同埋雞嘅味道非常之適中，配合得嚟。
飲埋個菠蘿特飲配Apple Cider，好有果味同有氣！呢一餐真係非常圓滿。
张贴
