Whatever Bar & Restaurant (已結業)

之前圣诞去食过【Whatever Bar & Restaurant】觉得价钱ok，环境不错，所以见出新menu就再去食一次。星期六下午时间人唔会太多，一班fd黎都几正。 香煎鳕鱼配紫甘蓝高汤：鳕鱼好大旧，肉质鲜嫩。块皮煎到好香脆。最特别系紫甘蓝高汤，其实无咩味，但加柠檬汁会变色，个experience都几特别。另外有薯蓉、蔬菜，非常不错。 炸意大利粉冬甩配番茄莎莎酱：呢个真系好cute好特别，茄汁意大利粉切碎，再定型冬甩形状、包面包糠炸，番茄莎莎酱又好清甜。不错。 慢煮鸡卷配特制霹雳霹雳辣酱：鸡肉卷入面加左菠菜，所以口感味道唔会禁单一。Peri peri辣酱唔算太辣，整体好特别，几推荐。 Loki：青苹果、青瓜、Gin既cocktail，好清爽、好适合夏天，酒味唔会太浓。