鮨處松戶 (彩星集團大廈)

营业中

休息中

通常喺公司附近放工之后一班朋友约食饭，好容易选择日本菜，一系约韩国菜，不过当然日本菜系九成时间嘅选择，今晚同事话嚟食饭，于是就喺广东道附近一路揾，揾吓啲新餐厅。广东道Apple楼上嘅商业大厦原来有间开咗一段时间嘅日本居酒屋同食厨师发办嘅餐厅，夜晚七点几去到，竟然差唔多全场满座，劲多商务客。几个人当然样样都叫啲，叫刺身同熟食。先来一个沙律，好简单嘅蕃茄豆腐沙律，呢个冇乜特别，纯粹开下胃。我哋叫咗一个刺身拼盘，有好多唔同嘅刺身，海胆、拖罗、赤贝仲有一啲比较特别嘅鱼生。另外叫咗熟食，好似南蛮鸡都几好。我最钟意食鱼，于是叫咗份烧白鳝，都处理得几好。松前烧，真系无听过，仲要系白子，热食加青柠真系几特别。我钟意食油份高嘅鱼，所以加咗份左口鱼裙边，好正。仲叫咗份烧鱿鱼，肉地烟韧弹牙，火候啱啱好。尾声叫咗个炒饭，几有镬气。呢度气氛几好，价钱又相宜，系唔错嘅选择。