Maison Libanaise

营业中

休息中

见好多人推介就嚟试下既中东餐，想讲呢度环境好好，建议坐顶楼outdoor，环境舒适好多又有气氛。两个人黎食，点左两个菜，第一样点左个roasted cauliflower，亦都系佢地其中之一既必点菜式。个人认为呢道菜整得几好味，烤既程度啱啱好，但系酱汁有啲腻，所以饱腹感好高，食完已经差唔多六分饱。而且越食越觉得麻麻，应该系太腻既关系。第二道菜式系falafel，主要成分系chickpea同其他材料混合炸成一块好似饼干形状。觉得呢味菜还好，中等程度，10分最多6分，主要原因系因为佢既香草味偏高可能迎合返中东人既口味，但系啲酱汁令到𠮶口感都唔好，已经唔再松脆，仲要啲酱汁同上一味一样都好腻。饮品方面，服务员推荐左一支唔错既白酒 chateau ksara ，果香味比较重，一入口有啖啖既荔枝味，超易入口，而且好啱帮我地解腻。值得一提既系服务员好细心同十分友善，令到整体用餐体验更好，例如会问你比较喜欢边种口味既酒等等，建议未试过既朋友黎不妨黎试试。