麵屋一平安 (已結業)

有客人入黎都会哎一声日文「いらっしゃいませ」同好多香港嘅日本餐厅好似。不过staff经常隔著几个位咁远大声交谈，而且系用一种听不明的外语，感觉好似去左其他国家local大排档。如果用cosplay来形容，就系cos左一半，但唔系好认得cos紧边位角色的感觉。唔确定尼间餐厅是否真系sale紧自己系日本餐厅。茶水冇得自助，但系staff又好似唔系好想帮手加水。如果唔想serve客，不如好似其他日本餐厅咁叫客人自助落单自助加水啦，双方都开心d。上菜的时候，匙羹沾著一块异物。有可能系纸巾碎，唔完全属于卫生问题，但俾人感觉可能唔干净。我哎左鳗鱼饭，因为当时想食。味道好似我自己去超级市场买返来自己微波炉叮热的感觉。为左掩盖鳗鱼本身的素质问题，比起其他日本餐厅会特意加好多source，以为落重口味就可以当冇事发生过。所以结论系，食物本身配不上标价，食物以外的方面亦不值得所收取的加一服务费。老板应该既不是日本人又不是香港人，好似冇咩心机做。