Sky726

今日去左食西餐庆祝周年纪念，选择左处于25楼既Sky726。地方唔大，不过环境同气氛几好叫左个set dinner (选择左羊T骨)，半打生蚝，奶油蚝汤伴鱼子酱同安格斯肉眼扒｡个set dine嘅是日汤系甘荀汤，非常清甜，加埋个热辣辣嘅餐包简直无得弹｡小食我唔记得叫咩，不过有好强烈嘅酒精同三文鱼嘅味道。个羊T骨非常香，不过就太咸了，咸到可以用佢黎送饭既地步。生蚝比想像中细只，不过好有蚝味个奶油蚝汤伴鱼子酱极度creamy同浓郁，饮完都饱饱地。不过如果怕腥的话就千其千其唔好叫。个安格斯肉眼扒好juicy，又大件，调味得岩岩好服务态度非常好，唯一差少少就系佢地void左我地张卡两次。因为我地经openrice订位，所以set dinner有85折，散叫(除左生蚝)就9折。第一次void单系佢地自己发觉唔记得比折扣我地，第二次就系我地发现佢地叫计左set dine嘅折扣而无计到散叫嘅折扣，所以提大家一定要check单。除左呢啲其实佢好好，下次一定会再黎。