木子居酒屋

营业中

休息中

约咗邻居嚟食饭，就俾佢周遭嘅中环吸引住，系有日本feel，但系灯光太暗影响咗影相嘅质素。入咗本同侍应讲人五改三，侍应叫我哋归边坐，但归边就系坐紧隔离张横櫈，其实未见爆场，亦无需要坐到好似玩毛毛虫咁一个来一个，呢度印象分有少少打折扣。整体表现正常，但性价比低，未有深刻印象嘅地方。萤光鱿鱼～邻居觉得有啲咸，但系我觉得可以接受。松叶蟹沙律，个份量有啲骇人，如果佢收一半嘅价钱还可以接受。刺身六点，比较出色系个马粪海胆，系鲜甜冇臭味。而其他刺身嘅质素同X田差唔多，比较孤寒少少就系将粒S size一开四，而家拼盘都好似要428。个吞拿鱼腩火山卷更弧骨～喺个青瓜小卷上边揾一Pat仔吞拿鱼蓉，其实大家心里面有数一包吞拿鱼蓉喺出边买$50都多佢三分二。最后邻居话想食啲热嘢，锅物嘅话只有一款和牛寿喜烧。黄牛油花尚可接受，但系无牛味。而索价$388就唔值得叫。萧文点左鸡肉棒同埋猪肉韭菜饺卷。鸡肉棒都尚算好食，但系个韭菜卷啲一咬落去好似咬紧一紥禾秆草，其实咁高纤嘅蔬菜，就唔好泽到咁大卷，好影响口感，不如卷细啲出四件一串俾人好过。银鳕鱼嫩滑但唔够香口。唯一牛脷心要激赞，生熟都处理得相当恰当嫩滑又弹牙烧得好香。