影片
更多
2024-11-09
200 浏览
同狗狗、狗狗爸爸喺马湾staycation。以往去开Cafe Roma、Little Mario，食的都系薄饼、汉堡包，今次嚟呢度试下土耳其菜。欣赏餐厅系宠物友善，狗狗可入餐厅坐，唔需要坐室位区域（室外的櫈系高椅，唔方便照顾狗狗），仲可以随意喺餐厅里面行走添。餐厅提供「街坊价」餐点，经济实惠，不过当中只有几款土耳其食物。烤鸡1/4只（$98）：餐牌冇写有配菜（沙律），我哋问店员系咪跟饭，最后，跟咗饭。其后听到另一台点烤饼，先知道可以拣饭/烤饼，建议大家可问下店员，跟烤饼有特色啲。烤鸡色泽好靓，充满油光，狗狗爸爸切落去时都感觉到鸡肉好嫩滑。佢话鸡件调味唔错，而碟上的乳酪酱我哋唔确定系咪配烤鸡，但狗狗爸爸话鸡系热，酱系冻，夹埋奇怪啲，所以最后冇醮嚟食。饭的份量唔多，半碗左右；沙律材料丰富，调味仲唔错添鹰咀豆酱伊斯坦汉堡（$48）：抵食！卖相靓，汉堡大大个，店员都话打卡最啱；面包烤焗得啱啱好，外脆内软；跟餐的沙律份量几多；汉堡入面的鹰咀豆酱搽得唔算好厚、好多，味道略咸；汉堡的饀料仲有用沙律酱捞咗的红萝卜丝，佢的味道几特别，好食，加落个汉堡度，令汉堡的味道同层次更丰富；芝士细细件，冇乜特别；整
欣赏餐厅系宠物友善，狗狗可入餐厅坐，唔需要坐室位区域（室外的櫈系高椅，唔方便照顾狗狗），仲可以随意喺餐厅里面行走添。
餐厅提供「街坊价」餐点，经济实惠，不过当中只有几款土耳其食物。
烤鸡1/4只（$98）：餐牌冇写有配菜（沙律），我哋问店员系咪跟饭，最后，跟咗饭。其后听到另一台点烤饼，先知道可以拣饭/烤饼，建议大家可问下店员，跟烤饼有特色啲。烤鸡色泽好靓，充满油光，狗狗爸爸切落去时都感觉到鸡肉好嫩滑。佢话鸡件调味唔错，而碟上的乳酪酱我哋唔确定系咪配烤鸡，但狗狗爸爸话鸡系热，酱系冻，夹埋奇怪啲，所以最后冇醮嚟食。饭的份量唔多，半碗左右；沙律材料丰富，调味仲唔错添
鹰咀豆酱伊斯坦汉堡（$48）：抵食！卖相靓，汉堡大大个，店员都话打卡最啱；面包烤焗得啱啱好，外脆内软；跟餐的沙律份量几多；汉堡入面的鹰咀豆酱搽得唔算好厚、好多，味道略咸；汉堡的饀料仲有用沙律酱捞咗的红萝卜丝，佢的味道几特别，好食，加落个汉堡度，令汉堡的味道同层次更丰富；芝士细细件，冇乜特别；整体而言，呢个汉堡性价比极高，以呢个价钱可试到土耳其菜，超值~
菠萝苹果沙冰（跟餐+$48）：饮品唔算好大杯，亦冇乜presentation，但绝对真材实料，似饮紧一啖啖苹果蓉咁；感觉佢的甜味系嚟自鲜果，几抵饮，值得一试
嚟到马湾，可以抱住度假心情，试下异国的食物，包括少接触到的土耳其菜，好特别。加上狗狗嚟到，受到餐厅接纳、欢迎，呢点都好重要。下次有机会再到马湾，都会再帮衬。
张贴
