Marco's Oyster Bar & Grill (彩鴻酒店)

营业中

休息中

今日约咗朋友喺佐敦附近食晚饭，拣咗间非常有情调同格局嘅西餐厅，叫Marco’s Oyster Bar & Grill，入到里便非常浪漫，好适合情侣嚟食饭。我嗌咗两个餐，包前菜沙律同忌廉汤，卖相好好，沙律仲有烟三文鱼喺上边，非常开胃，而个忌廉汤配餐包都好浓郁，主食分别嗌咗肉酱阔条面同西冷牛扒，首先个肉酱阔条面嘅肉酱完全盖过晒啲面，非常足料，而且调味非常饱满， feel到个汁同肉酱系融为一体。另外份西冷牛扒非常大块，比我手掌更大，而佢嘅熟度刚刚好，肉质嫩，唔会干身，配埋佢嘅特制酱汁，咸淡适中，非常一流，我哋食食吓仲有个专业歌手拎住结他自弹自唱，气氛好好，无论约朋友或伴侣嚟食饭，都系一个非常好嘅选择。