Sky726

今日同朋友一齐去旺角买饭，佢就介绍一个好气氛好有情调嘅餐厅，上到去又真系环境好吸引，旺角一路望到大角咀，一望无际，可惜当晚见唔到日落，如果唔系环境仲更加吸引；首先点咗个生蚝加白酒，再添咗个蟹肉南瓜汤同牛尾汤，主餐就点虎虾配龙虾汁意大利饭，和香辣慢煮猪肋骨。首先白酒系有葡萄皇后之称嘅Chardonnay，饮落dry&fruity，用嚟𩠌生蚝绝配！而生蚝方面，澳洲嘅应该系coffin bay, 而苏格兰嘅就唔知边处，我就觉得澳洲嘅比较鲜甜，好食啲！跟住嚟两个汤，好有水准，南瓜汤再加埋啲蟹肉，鲜甜可口；牛尾汤都好creamy同中餐嘅牛尾汤好大分别，也都有少少肉碎增加口感；，最惊喜喺餐包竟然外脆内软仲要系暖暖地，食落超感动，主餐嘅虎虾龙虾汁意大利饭，饭嘅软硬度煮得恰到好处，每粒饭都索满龙虾汁，好高水准，虎虾都新鲜，虾肉爽滑有鲜味；慢煮猪肋骨有少少辣味，好嘢味，经过慢煮嘅猪肋骨，骨肉分离，淋滑入味，薯角亦都炸得好脆，推介之选。除咗美食，餐厅仲奉送一个美景，可以一路睇住华灯初上，万家灯火，慢慢享用美食和美景真系一乐也。仲有值得一赞嘅，就系服务员嘅服务亦都超水准。